أنت هنا

الو الشعب: فيديو خلق ضجة في المواقع الاجتماعية!!!!

11 أغسطس 2016 - 20:36

فيديو خلق رجة على المواقع الاجتماعية عبارة عن أغنية راب .. نخليكم مع الفيديو و انتم الزوار تحكمو على قيمته:

كلمات الفيديو:

أنا الشعب لي وقف ضد الإحتلال حتى جبتي الإستقلال
أنا الشعب لي عام فدمو فالحرب باش أنت تقرا و توصل
أنا الشعب لي كنتي محتاجني باش يعترفوا بيك كدولة من الدول
سامعني مزيان ؟
أنا الشعب لي عريان في قاع الدنيا منسي
أنا الشعب لي معدي بنعالة و أنت برزقي منسي
الشعب لي إذا مرض خاصو يشري نص بياص في السويسي
الشعب الضايع الصايع لي من حر الفقر خرج يكريسي
الشعب لي شقو البرد و الثلج في الجبال حتى تكلاصة
و أنت بفلوس الدفا عاهرات و شريب الطاسة
الشعب لي مات في الصحراء و هزيتوه في البركاصة
الشعب لي رديتوه مجرد أرخص سلعة في السياسة
بلا كبرياء
أنا الشعب لي وقف ضد العسكر بلا سلاح في الصحراء
أنا شعب المسيرة الخضراء
أنا الشعب الوفي لي كان معاك في الصراء و الضراء
أنا الشعب ماشي الكلب
واعتدتيني و سرقتيني و نسيتيني
أنا المواطن أنا الناخب واش عرفتيني
أنا الشعب لي قريتيني بالمقلوب
أنا الشعب المقلوب
كنخلص الضو و الما و الأكسجين عما قريب
شعب الفقر شعب العلة و أين الطبيب
المطالب ديالي حق و كنشوفها شرعية
من الواجب عليك تحسن لي الوضعية
علاش ولادي يكونوا فقارا
علاش نبقا واقف ساعات على ورقة في الإدارة
علاش بنتي تلبس حوايج العاهرات بإسم الحضارة
بغيت إعتبار مليت من الإستحمار و الإستعمار المرير
جوج بحور و الشعب في المحلبة يتخاطف على البيض و الكاشير
في بلاد الخير أراضي فلاحية و الخضرة غلا من الديسير
بني ليا جامعات فين نقرا
عطيني خدمة باش ندير مستقبل و أسرة
براكةعليا من الفساد و الحشيش و الحكرة
فوسفاط بيترول حوت كتامة و أين الثروة ؟
براكة من التناقض في الكلام و المواقف المعروضة
في برامج الإذاعة و التلفزة لي علينا مفروضة
أنت تداوى برا و تقوليا بلادك في الصحة
أنت تعوم فهواي و أنا في مستنقع ماه يجيب الشحة
دولة الحق ليك و القانون عليا جبتيليا البحة
الفرزيات في جميع المجلات
حتى من الشعار إسمي ملغي في الريمات
الله الوطن الملك و الشعب مالو فينو مات ؟
فهم هاد الكلام حيث أنا غادي
بغيت جيل ناجح أستاذ معلم طبيب و لا قاضــــي
أنا الشعب لي عيا من المرض
شعب قاد يخرج فيكم طول واخا عارفكم غاتخرجو فيا عرض
أنا الشعب لي باغي حل ، لي كنتعكل و باقي ما شديتش الضد
أنا الشعب لي عييت نسمع أرا ، حاولوا تبدلوها بغيت نسمع شد
أنا لي كنتهدد بلي غادينموت حـــــي و ماغايدفنونيــــش
أنا كتامةلي كتلوح فالعشبة لا غانشدوك ما تكميش
أنا الكذوب لي كيتعاش كلا نهار لي ضد الإشهار حيت كلي تهميش
أنت لي بيدك تعطيني لي كنتسال غير مابغيتيش وحتى أنا ما غانخليكش
أنا البلان لي كيساوي 200 درهم في واحد النهار و كون ماشديتهاش كان غايتبدل كلشي
أنا الصبيطار ، كوما، الزناقي، اللعاقة، الشعب واخد أكبر كروشي
بدلتو التاريخ بالعيب، الثقة بالمصايب
قريب غايتقطع الفران و إذا بدات ماغتسالي
ماغادي تحل المشكل لا خليج لا مريكان
حتى لدابا أنا راه باقي زوين
فرديك، ماغايخلعنيش ، واخا أصلا عارفو خاوي
أنا الهبة في التصاور، سياسة التخاور ماراضيش علاش داوي
حتال دابا أنا ميساج نيشان بغيت رزقي و كرامة
جيت دويت ماساليتش غانرجع، تلاح بسلامة

تعليقات المقال على موقع الفيسبوك

- جميع المقالات و التعاليق المنشورة في الموقع تعبر عن رأي أصحابها وليس لموقع الفقيه بن صالح-نت أي مسؤولية إعلامية أو أدبية أو قانونية.

- تنشر فقط التعاليق المنشورة باللغة الفرنسية و الانجليزية و العربية .في التعليقات يمنع كنابة الحروف العربية بلغة اجنبية متل كلمة (salam).

- يمكنك استعمال لوحة المفاتيح العربية (clavier arabe) الموجودة على الرابط التالي clavier arabe