..:: fkih ben salah :::..

اش تجرى غي الفقيه بن صالح هاد ليام...منين نبدا ا خوتي هاد المقال...و الله الحكرة ولينا تنعيشوها في قبائل بني عمير الكبرى بلاد جدادنا ...الحكرة ولينا تنعيشوها  في مدينتنا  لتزدنا فيها... حتى لاش غادين نبقاو ساكتين؟؟؟ حتى لاش غادي نبقاو تنتفرجوا في الشلاهبية... الفقيه بن صالح عاصمة  قبائل بني عمير الكبرى ولات بحال شي بقرة , ليجا بغا يدير لباس تيبدا يحلب فيها....هادشي ليغادي نقول ليكم كامل تتشفوه كل يوم في هاد المدينة المحكورة من طرف الشلاهبية لتضحكوا على الناس البسطاء....السباق ديال اللوائح الانتخابية الخمسة لداخلة لهاد الانتخابات بدا و غاديا الحرارة ديالوا تتزاد...و بدا تيبان بالواضح أهداف المترشحين....و الله تا الحكرة هادي....بالواضح بدا تيبدا الشباب مهمش و محكور...بالواضخ بدا تيبان البطالة و الناس البسطاء باغين غير طرف ديال الخبز....بالواضح بدا تيبان الشلاهبية تيضحكو على بنادم.....بالواضح بدا تيبان أن اللوائح دون المستوى لأن الصراع بينهم بدا تياخذ وجهة أخرى....